តើអ្នកដឹងទេ?ដើមឈើអ្វីដែលខ្ពស់ជាងគេនៅលើពិភពលោក?

កាលពីអត្ថបទមុនយើងបានស្គាល់រួចមកហើយ ពីសត្វដែលធំជាងគេនៅលើពីភពលោកហើយថ្ងៃនេះទំព័រ តើអ្នកដឹងទេ? សូមនាំអារម្មណ៍លោកអ្នកមកស្គាល់ពីប្រភេទរុក្ខជាតិដែលខ្ពស់ជាងគេនៅលើពិភពលោកវិញម្តង។

ដើមឈើក្រហមកាលីហ្វ័រនីញ៉ា គឺជាប្រភេទដើមឈើមួយ ខុសពីប្រភេទដើមឈើផ្សេងទៀត ដែលដើមឈើនេះមានអាយុដ៏ចំណាស់ មានទំហំធំនិងខ្ពស់បំផុតនៅលើភពផែនដី ។ ជាទូទៅដើមឈើនីមួយៗមានកម្ពស់លើសពី ៩០មែត និងទំហំធំអង្កត់ផ្ចិតនៃដើមរបស់វាមានប្រវែង ៣ ទៅ ៦ម៉ែតឯនោះ ។
ដើមឈើក្រហមនេះមានអាយុចាប់ពី ៤០០ ទៅ ៥០០ អាយុប៉ុន្នេះចាប់ទុកថាចំណាស់ ហើយដើមឈើមួយចំនួនត្រូវបានគេសិក្សាស្រាវជ្រាវថាមានអាយុលើសពី ១៥០០ ឆ្នាំ។ ដើមឈើដ៏វ័យចំណាស់ទាំងនោះមានស្លឹក និង​មែក តិចតួចប៉ុន្នោះ ។ ខណះដែលអាយុឈើកាន់តែចាស់ទៅៗ មែកឈើតិចតួចធ្លាក់ចុះធ្វើអោយរលីងដើមដុះរាងជាសសរ ។

ពត័មានពិសេស : ដើមឈើដែលចាស់ជាងគេបំផុត គឺដើមស្រស់ព្រឹសស៊ូល ខោន ។ ពួកវាដុះនៅលើភ្នុំសនៃរដ្ឋកាលីហ្វ័រញ៉ានៃសហរដ្ឋអាមេរិក ។ ទោះបីជាពួកវាមានទំហំតូច តែមួយចំនួននៃដើមឈើទាំងនោះមានអាយុលើសពី ៤៥០០ឆ្នាំ ។